«ПСЖ» бош мураббийи Луис Энрике жамоа таркибини кучайтириш учун «Арсенал» ярим ҳимоячиси Мартин Субимендини Парижга олиб келишни истамоқда.
El Nacional маълумотига кўра, испаниялик мутахассисга Субимендининг ҳимоядан ҳужум бошлаш қобилияти, рақиб прессинги остида ишончли ҳаракат қилиши ва майдон марказидан жамоа ўйинини бошқариши жуда ёқади.
Манба таъкидлашича, «Арсенал» футболчи бўйича таклифларни эшитишга тайёр бўлиши мумкин. Лондон клуби тахминан 80 миллион евролик таклифни кўриб чиқиши айтилмоқда.
Мартин Субименди февраль ойида 28 ёшга тўлади. Унинг «Арсенал» билан амалдаги шартномаси 2029/30 йилги мавсум якунига қадар мўлжалланган.
Ҳозирча «ПСЖ» томонидан расмий таклиф юборилгани ҳақида маълумот йўқ.
