«Лацио» марказий ҳимоячиси Патрик Габаррон «Ал-Иттифоқ»қа ўтишга яқин. Бу ҳақда инсайдер Николо Скира хабар берди.
Манбага кўра, испаниялик футболчининг трансфери якуний босқичда ва у Саудия Арабистони клубига бепул ўтиши мумкин.
Габаррон аллақачон «Ал-Иттифоқ» билан шахсий шартларни келишиб олган. Томонлар ўртасидаги шартнома 2028 йилга қадар мўлжалланиши кутилмоқда.
Transfermarkt 33 ёшли ҳимоячининг бозор қийматини 1,5 миллион еврога баҳоламоқда. Унинг «Лацио» билан амалдаги шартномаси 2027 йил 30 июнга қадар амал қилади.
Ўтган мавсумда Габаррон 16 та ўйинда майдонга тушди, аммо гол ёки голли узатма билан ажралиб турмади. Жорий мавсумда эса мушак чўзилиши сабаб ҳали майдонга тушмаган.
