Англия терма жамоаси бош мураббийи Томас Тухель 18 ёшли Рио Нгумоани Миллатлар лигасида Испанияга қарши ўйин қайдномасига киритмади.
Учрашув 26 сентябрь куни "Уэмбли" стадионида бўлиб ўтади.
Коул Палмер ва Маркус Рэшфорд ҳам бор бўлган беш нафар футболчи жароҳат сабаб терма жамоани тарк этганидан кейин Нгумоанинг Испанияга қарши ўйинда иштирок этиш имконияти ошгандек кўринган эди.
Бироқ Тухель қўшимча равишда Жеймс Гарнер ва Морган Гиббс-Уайтни терма жамоага чақирди. Натижада мураббий ихтиёрида 24 нафар футболчи қолди, ўйин қайдномасига эса максимум 23 нафар ўйинчи киритилиши мумкин.
Шу тариқа, Нгумоа қайдномадан четда қолган ягона футболчи бўлди.
Бу маълумот УЕФА эълон қилган расмий рўйхатда ҳам тасдиқланди.
