Angliya terma jamoasi bosh murabbiyi Tomas Tuxel 18 yoshli Rio Ngumoani Millatlar ligasida Ispaniyaga qarshi o‘yin qaydnomasiga kiritmadi.
Uchrashuv 26 sentyabr kuni "Uembli" stadionida bo‘lib o‘tadi.
Koul Palmer va Markus Reshford ham bor bo‘lgan besh nafar futbolchi jarohat sabab terma jamoani tark etganidan keyin Ngumoaning Ispaniyaga qarshi o‘yinda ishtirok etish imkoniyati oshgandek ko‘ringan edi.
Biroq Tuxel qo‘shimcha ravishda Jeyms Garner va Morgan Gibbs-Uaytni terma jamoaga chaqirdi. Natijada murabbiy ixtiyorida 24 nafar futbolchi qoldi, o‘yin qaydnomasiga esa maksimum 23 nafar o‘yinchi kiritilishi mumkin.
Shu tariqa, Ngumoa qaydnomadan chetda qolgan yagona futbolchi bo‘ldi.
Bu ma’lumot UEFA e’lon qilgan rasmiy ro‘yxatda ham tasdiqlandi.
