Италия терма жамоаси бош мураббийи Роберто Манчини Миллатлар лигаси 2-турида Туркияга қарши бўлиб ўтадиган учрашув олдидан ўз фикрларини билдирди. Учрашув 28 сентябрь куни бўлиб ўтади.
«Хотиржам қолишимиз ва асабийлашмаслигимиз керак. Биз Бельгиядек кучли жамоага қарши ўйнадик ва, менимча, улар ғалабага муносиб эди.
Энди бизда яхшироқ ўйнаш имконияти бор. Айрим ўзгаришлар қиламиз ва бошқа футболчиларни ҳам синаб кўрамиз.
Таркиб масаласига келсак, футболчиларни алмаштириб туряпмиз, чунки кетма-кет тўртта ўйинни бир хил таркиб билан ўтказишнинг иложи йўқ. Шу тариқа барча футболчиларни муҳим учрашувларда баҳолаб олишимиз мумкин», — дея Манчинининг сўзларини Sky Sport келтирди.
Италия Миллатлар лигасидаги илк учрашувини 25 сентябрь куни Бельгияга қарши ўтказиб, 0:2 ҳисобида мағлуб бўлган эди.
