«Флуминенсе» ярим ҳимоячиси Матеус Мартинелли илк бор Бразилия терма жамоасига чақирув олди. 24 ёшли ҳавбек бош мураббий Карло Анчелотти томонидан жароҳат олган «Челси» ҳужумчиси Жоао Педронинг ўрнига таклиф этилди. Иккинчиси тиззасидаги жароҳат сабабли терма жамоа қароргоҳини тарк этган эди.
Мартинелли «Милан» ва «ПСЖ»да Анчелотти қўлостида тўп сурган «Флуминенсе»даги жамоадоши Тьяго Силвага дарҳол маслаҳат сўраб мурожаат қилганини айтиб берди.
«У билан «Милан»да бирга ишлаган Тьяго мен билан гаплашди ва баъзи нарсаларни тушунтириб берди. Ушбу лаҳза фаолиятимда жуда муҳим ва умид қиламанки, мураббийга ҳамда терма жамоадаги сиртдошларимга катта ёрдам бера оламан».
Мартинелли Австралияга қарши кечган биринчи ўйинда (1:1) захира ўриндиғида қолди, аммо сешанба куни австралияликларга қарши бўлиб ўтадиган жавоб ўйинида ёки шанба куни Ҳиндистонга қарши баҳсда дебют қилишга умид қилмоқда.
«Ҳар бир футболчи терма жамоа либосини кийишни хоҳлайди. Биз ўзимизни имтиёзли ҳис қилишимиз ва миллий жамоа учун жонимизни беришга тайёр бўлишимиз керак».
