Мексикалик боксчи Артуро Торрес жангидан бир неча кун ўтиб, 26 ёшида вафот этди. У 19 сентябр куни ўтказилган жангда нокаутга учраганидан сўнг шифохонага ётқизилган эди.

Торрес Мехико шаҳрида ватандоши Хилберто Гарсияга қарши рингга кўтарилди. Жанг 7-раундда Гарсиянинг нокаути билан якунланди. Жангдан кейин Торрес бир муддат рингда қолган, кейин эса ҳушини йўқотган. Унга тиббий ёрдам кўрсатилгач, Мехико шаҳридаги шифохонага олиб кетилган.

Тиббий текширувлар давомида боксчининг бош миясига қон қуйилиши аниқланган. Шундан сўнг спортчини қутқариб қолиш мақсадида жарроҳлик амалиёти ўтказилган. Бироқ боксчи комадан чиқа олмади ва оқибатда 25 сентябр куни вафот этди.

Маълумот учун, Артуро Торрес профессионал боксдаги фаолиятини 2018 йил ноябр ойида бошлаган. У фаолияти давомида 22 та жанг ўтказиб, 15 та ғалаба, 6 та мағлубият ва 3 та дуранг қайд этган.