Испания терма жамоаси футболчиси Ламин Ямал нега голини машҳур собиқ француз ҳужумчиси Тьерри Анри услубида нишонлаганини тушунтирди.

19 ёшли вингер Миллатлар лигасида Хорватияга қарши 4:1 ҳисобида якунланган учрашувда дубль қайд этди.

Иккинчи голидан сўнг "Барселона" футболчиси бурчак байроғи олдида Тьерри Анри каби голини нишонлади. Ёш испаниялик футболчи "Арсенал" афсонасининг машҳур нишонлашини атайлаб такрорлаганини тан олди.

"Анри — бу намуна. Унинг афсонавий гол нишонлаши бор ва мен уни такрорлашни истадим", — дея Ямалнинг сўзларини журналист Фабрицио Романо келтиради.

Тьерри Анри 2007 йилдан 2010 йилгача "Барселона" сафида тўп тепган. У 2015 йилда футболчилик фаолиятини якунлаган.