Нидерландия терма жамоаси бош мураббийи Хави Миллатлар лигасида Грецияга қарши ўйинда Виржил ван Дейкни марказий ҳимоянинг ўнг томонида ўйнатиш имкониятини кўриб чиқмоқда. Бу ҳақда Goal хабар берди.

Журналист Майк Вервей Хавидан Ван Дейкни ўнг томонга ўтказиб, чап томонда чап оёқли Йоррел Хато ёки Микки ван де Венни ўйнатиш вариантини кўриб чиққан-қилмаганини сўради.

«Бу Виржилнинг севимли позицияси эмас, аммо у ерда бизга керак бўлса, жамоа биринчи ўринда туради. У жамоага яхши ёрдам бера олади. Бундай вариант мавжуд», — деб жавоб берди Хави.

Хави бошчилигидаги терма жамоанинг дастлабки икки ўйинида марказий ҳимоянинг ўнг томонида Ян-Паул ван Хекке ўйнаган эди. Бироқ «Брайтон» футболчиси Сербияга қарши учрашувда оёғидан жароҳат олди ва клуби ихтиёрига қайтди.