«Бетис»нинг чап қанот ҳимоячиси Фран Гарсия Мадриднинг «Реал» клубидан кетиши ҳақида гапирди.

«Қироллик клуби» тарбияланувчиси 2023 йилда ўзининг қадрдон клубига қайтган эди, аммо ўтган ёзда жамоани тарк этди.

«Реал» Кукурельяни трансфер қилганида, у ва Каррерас асосий устуворликка эга бўлишини тушундим, чунки улар учун катта маблағ тўлашган. Аммо мен болалик орзумни амалга оширдим — “Реал”да ўйнадим.

“Бетис”га кетишимдан олдин Жозе Моуриньо билан гаплашмаганман. Агентларим кечқурун қўнғироқ қилиб, эртаси куни шартнома имзолаш учун Севильяга йўл олишимизни айтишди. Ҳатто щитокларим ва бутсаларим ҳам йўқ эди», — дея 27 ёшли испаниялик футболчининг сўзларини Madrid Zone келтиради.

Фран Гарсия Мадриднинг «Реал» клуби сафида жами 109 та ўйин ўтказиб, 3 та гол урган ва 13 та голли узатмани амалга оширган.