Мадриднинг "Реал" клуби дарвозабони Тибо Куртуа Чемпионлар лигасининг қанчалик мураккаб мусобақа экани ҳақида гапирар экан, Килиан Мбаппени мисол қилиб келтирди.
"Қаймоқранглилар" тарих давомида Европанинг энг нуфузли клуб турнирида рекорд даражада 15 марта ғолиб чиққан. Бироқ жамоа сўнгги икки мавсумда муваффақиятдан анча узоқда қолди. Айнан 2024 йилдаги сўнгги ғалабадан кейин, ундан кейинги мавсум олдидан Килиан Мбаппе "Реал" сафига қўшилган эди.
"Сен "Реал"да ўйнаётган бўлсанг, мақсад аниқ — Чемпионлар лигасида ғалаба қозониш. Аммо буни оддий ва ўз-ўзидан бўладиган нарса деб қабул қилмаслик керак. Мбаппега қаранг. Бу турнирда финалгача етиб бориш жуда қийин", — дея Куртуанинг сўзларини Madrid Xtra келтирди.
Франциялик ҳужумчи фаолияти давомида ҳали бирор марта Чемпионлар лигасида ғолиб чиқмаган. У декабрь ойида 28 ёшга тўлади.
