"Барселона" ёзги трансфер ойнасида "Манчестер Сити" ҳимоячиси Йошко Гвардиолни ўз сафига қўшиб олишга ҳаракат қилган.

Mundo Deportivo маълумотига кўра, каталонияликлар бош мураббийи Ханси Флик хорватиялик футболчини ҳимояни кучайтириш учун идеал номзод деб ҳисоблаган. Бунга Гвардиолнинг марказий ҳимояда ҳам, қанотда ҳам ҳаракат қила олиши сабаб бўлган.

Бироқ "Манчестер Сити" 24 ёшли футболчини қўйиб юборишни истамаган. Гвардиолнинг ўзи ҳам Англия клубида қолиш тарафдори бўлгани боис трансфер амалга ошмаган.

Шундан сўнг "Барселона" ҳимоя чизиғи учун бошқа номзодларга, жумладан "Интер" футболчиси Алессандро Бастонига эътибор қарата бошлаган.

Якунда эса Гвардиол "Манчестер Сити" билан шартномасини 2031 йилга қадар узайтирган.