«Брентфорд» ҳужумкор ярим ҳимоячиси Кевин Шаде январь ойидаги трансферлар ойнасида жамоасини алмаштириши мумкин. Бу ҳақда Teamtalk журналистлари хабар бермоқда.
Манба маълумотига кўра, «Ливерпуль» раҳбарияти келаётган қишда вингерни ўз сафига қўшиб олиш имкониятини кўриб чиқмоқда. Мерсисайдликлар Шаденинг мавсум бошидаги ўйинидан таассуротда қолган. Кевин ўтказган бешта учрашувида учта гол урди.
24 ёшли германиялик вингер Transfermarkt портали томонидан 35 миллион еврога баҳоланмоқда. Футболчининг «Брентфорд» билан амалдаги шартномаси 2028 йил июнь ойи охирига қадар мўлжалланган.
АПЛнинг беш туридан сўнг «Ливерпуль» турнир жадвалида олтинчи, «Брентфорд» эса тўртинчи ўринни эгаллаб турибди.
