Америкалик ярим ҳимоячи Кристиан Пулишич «Милан» раҳбарияти билан ҳамкорликни узайтириш бўйича музокара олиб бормоқда. Томонлар ўртасидаги амалдаги шартнома келаси йил ёзида ўз ниҳоясига етади.
Инсайдер Экрем Конурнинг ижтимоий тармоқларда маълум қилишича, томонлар янги узоқ муддатли келишув бўйича битимга яқин турибди. Янги шартнома 2031 йилга қадар мўлжалланади.
Пулишич 2023 йил ёзидан буён «Милан» шарафини ҳимоя қилиб келмоқда. Футболчининг бозор қиймати 35 миллион еврога баҳоланмоқда.
Жорий мавсум А Серияда 28 ёшли америкалик футболчи иккита учрашувда майдонга тушиб, битта гол урди ва битта голли узатмани амалга оширди.
