Transfermarkt портали футболчиларнинг бозор қиймати бўйича маълумотларни янгилади. Натижада «Бавария» ярим ҳимоячиси Майкл Олисе Бундеслигада янги рекорд ўрнатди.

24 ёшли франциялик футболчининг қиймати 10 миллион еврога ошди ва энди 180 миллион еврони ташкил этмоқда. Шу тариқа, Олисе жаҳон чемпионатидан кейин ўзи ўрнатган 170 миллион евролик рекордни янгилади.

Олисега қадар Бундеслигадаги энг юқори бозор қиймати рекорди Эрлинг Ҳоландга тегишли бўлиб, у 150 миллион еврони ташкил этган.

Жорий мавсумда Олисе 9 та расмий учрашувда 9 та гол урди ва 5 та голли узатмани амалга оширди. Шундан «Бавария» сафида 8 та гол ва 4 та ассист қайд этган.

Олисе «Олтин тўп» учун даъвогар бўлган 30 нафар футболчи рўйхатидан ҳам жой олган.