Испания терма жамоаси бош мураббийи Луис де ла Фуэнте Миллатлар лигаси А лигаси 3-турида Чехияга қарши ўйинда Ламин Ямалнинг асосий таркибда майдонга тушиши мумкинлиги ҳақида фикр билдирди. Учрашув 3 октябрь, шанба куни Испаниянинг Овьедо шаҳридаги «Нуэво Карлос Тартьере» стадионида бўлиб ўтади.
«Эртанги ўйинга энг яхши таркибни туширамиз. Бу масалани ёдда тутяпмиз, аммо бугун кечқурун унинг олдига янги вазифалар қўямиз.
Агар уни асосий таркибда майдонга туширсак, бу айнан ўша пайтда у ўйинга энг катта таъсир ўтказа олади, деб ҳисоблаганимиз учун бўлади. У кун сайин етукроқ футболчига айланиб бормоқда. Уни кузатиш жуда ёқимли», — деди де ла Фуэнте.
