Швеция терма жамоасининг собиқ ҳужумчиси Златан Ибрагимович Португалия терма жамоаси ҳужумчиси Криштиану Роналдунинг жамоа базасини тарк этиш қарори ва терма жамоа ичидаги можарога муносабат билдирди.
«Ўз эгoингиз туфайли ўзингиз яратган меросга путур етказмаслик керак. Португалия терма жамоаси қароргоҳини жамоадошларингиздан ҳеч бири билан гаплашмасдан тарк этиш? Бу ҳурматсизлик. Сиз энди ёш эмаслигингизни тушунишингиз керак. Златанга қаранг. Мен ҳам бир вақтлар ёш эдим. Энг юқори даражада ўйнадим, кейин эса фаолиятимни якунладим. Ҳатто шерлар ҳам ов вақти қачон тугаганини билади», — деди Ибрагимович. Унинг сўзларини Tudn нашри келтирган.
Аввалроқ Роналду Португалия терма жамоасидаги фаолиятини якунлашга қарор қилгани ҳақида хабарлар тарқалган эди. Айтилишича, ҳужумчининг норозилигига Норвегияга қарши учрашувда унга етарлича ўйин вақти берилмагани сабаб бўлган.
