«Бавария» ва Франция терма жамоаси ҳимоячиси Дайо Упамекано миллий жамоа йиғинини тарк этиб, клуби ихтиёрига қайтди. Бу ҳақда Франция терма жамоаси матбуот хизмати хабар берди.

Гап шундаки, Упамекано Миллатлар лигаси доирасида Италияга қарши ўтган учрашувда (1:1) қизил карточка олган. Шу сабабли у кузги йиғиннинг Бельгияга қарши сўнгги ўйинида иштирок эта олмайди.

Жорий турнирда 27 ёшли ҳимоячи иккита ўйинда майдонга тушди ва голли ҳаракат қайд этмади.

Франция ва Бельгия терма жамоалари ўртасидаги Миллатлар лигаси гуруҳ босқичи тўртинчи тур учрашуви душанба, 5 октябрь куни бўлиб ўтади. Баҳс Москва вақти билан соат 21:45 да бошланиши режалаштирилган.