Германия терма жамоасининг собиқ футболчиси Лотар Маттеус халқаро танаффус пайтида Португалия терма жамоасида юз берган можаро ҳақида фикр билдирди. Ушбу воқеалар натижасида 41 ёшли ҳужумчи Криштиану Роналду жамоа қароргоҳини тарк этган эди.
Собиқ сардор УЕФА Миллатлар лигаси 2-турида Норвегияга қарши ўйинда (2:1) майдонга тушмагани сабаб бош мураббий Жорже Жезуш билан келишмовчиликка борган.
"Унинг фаолияти фантастик бўлди ва у табрикка лойиқ. Роналду футбол учун жуда кўп иш қилди, шунинг учун биз унга фақат миннатдор бўлишимиз мумкин. Балки айнан шу сабабли унинг терма жамоадан кетиши муносиброқ тарзда кечиши керак эди. У бундай ҳолатга лойиқ эмасди.
Менимча, муаммо фақат мураббий билан муносабатлар ва унинг захирада қолдирилгани билан чекланмайди. Менда Роналду энди жамоадошларининг аввалгидек қўллаб-қувватловига эга эмас, деган таассурот бор", — деди Маттеус RTL эфирида.
