Germaniya terma jamoasining sobiq futbolchisi Lotar Matteus xalqaro tanaffus paytida Portugaliya terma jamoasida yuz bergan mojaro haqida fikr bildirdi. Ushbu voqealar natijasida 41 yoshli hujumchi Krishtianu Ronaldu jamoa qarorgohini tark etgan edi.
Sobiq sardor UEFA Millatlar ligasi 2-turida Norvegiyaga qarshi o‘yinda (2:1) maydonga tushmagani sabab bosh murabbiy Jorje Jezush bilan kelishmovchilikka borgan.
"Uning faoliyati fantastik bo‘ldi va u tabrikka loyiq. Ronaldu futbol uchun juda ko‘p ish qildi, shuning uchun biz unga faqat minnatdor bo‘lishimiz mumkin. Balki aynan shu sababli uning terma jamoadan ketishi munosibroq tarzda kechishi kerak edi. U bunday holatga loyiq emasdi.
Menimcha, muammo faqat murabbiy bilan munosabatlar va uning zaxirada qoldirilgani bilan cheklanmaydi. Menda Ronaldu endi jamoadoshlarining avvalgidek qo‘llab-quvvatloviga ega emas, degan taassurot bor", — dedi Matteus RTL efirida.
