Лондоннинг "Арсенал" клуби жамоанинг асосий футболчиларидан бири билан янги шартнома бўйича музокараларда сезиларли натижага эришди.
Caught Offside манбалари маълумотига кўра, "канонирлар" раҳбарияти универсал ярим ҳимоячи Деклан Райс билан янги узоқ муддатли шартнома шартлари бўйича музокараларда анча илгарилаган.
Клубда барча томонлар вазиятга ижобий қарамоқда ва Райс билан келишувга эришилишига ишонч билдирмоқда.
Шунингдек, "Арсенал" амалдаги шартномалари 2028 йил июнь ойи охирида тугайдиган бошқа футболчилар билан ҳам музокара олиб бормоқда. Улар орасида Кай Хавертц, Давид Райя ва Мартин Эдегор бор.
Деклан Райс 2023 йил ёзида "Вест Хэм"дан 105 миллион фунт стерлинг эвазига "Арсенал" сафига қўшилган эди.
У шу вақтга қадар "канонирлар" сафида барча мусобақалар ҳисобида 165 та учрашувда майдонга тушиб, 21 та гол урди ва 33 та голли узатмани амалга оширди.
