Londonning "Arsenal" klubi jamoaning asosiy futbolchilaridan biri bilan yangi shartnoma bo‘yicha muzokaralarda sezilarli natijaga erishdi.

Caught Offside manbalari ma’lumotiga ko‘ra, "kanonirlar" rahbariyati universal yarim himoyachi Deklan Rays bilan yangi uzoq muddatli shartnoma shartlari bo‘yicha muzokaralarda ancha ilgarilagan.

Klubda barcha tomonlar vaziyatga ijobiy qaramoqda va Rays bilan kelishuvga erishilishiga ishonch bildirmoqda.

Shuningdek, "Arsenal" amaldagi shartnomalari 2028 yil iyun oyi oxirida tugaydigan boshqa futbolchilar bilan ham muzokara olib bormoqda. Ular orasida Kay Xaverts, David Rayya va Martin Edegor bor.

Deklan Rays 2023 yil yozida "Vest Xem"dan 105 million funt sterling evaziga "Arsenal" safiga qo‘shilgan edi.

U shu vaqtga qadar "kanonirlar" safida barcha musobaqalar hisobida 165 ta uchrashuvda maydonga tushib, 21 ta gol urdi va 33 ta golli uzatmani amalga oshirdi.