«Манчестер Юнайтед»нинг собиқ футболчиси Рио Фердинанд Криштиану Роналдунинг Португалия терма жамоаси қароргоҳини можароли тарзда тарк этиши ҳақида фикр билдирди.
«Криштиану Роналдуга нисбатан нотўғри муносабатда бўлишди. Янги мураббий келди-ю, ўзини Алекс Фергюсон деб ўйлай бошлади. Нимага асосланиб бундай қилганини билмайман. Бу вазият эса бутун мамлакатни иккига бўлди», — деди Фердинанд ўзининг YouTube каналида.
Собиқ футболчи, шунингдек, ҳеч бир ўйинчи миллий терма жамоадаги фаолиятини бундай тарзда якунламаслиги кераклигини таъкидлади.
Аввалроқ, сентябрь ойи охирида 41 ёшли Роналду жамоа қароргоҳини ўзбошимчалик билан тарк этгани хабар қилинган эди. Манбаларга кўра, ҳужумчи Португалия терма жамоаси бош мураббийи Жорже Жезуш Миллатлар лигасининг сўнгги учрашувларида унга ўйин вақти бермаганидан норози бўлган.
