Бельгия терма жамоаси ярим ҳимоячиси Ромео Лавия УЕФА Миллатлар лигаси гуруҳ босқичининг 4-турида Франция терма жамоасига қарши сафардаги 1:4 ҳисобидаги мағлубият ҳақида фикр билдирди.
«Ҳозир биз хафамиз. Жамоа ушбу ўйинда бор кучини ишга солди. Тўрт тур якунига кўра кўпроқ очко тўплашни истаган эдик, аммо ҳали ҳаммаси ҳал бўлгани йўқ. Олдинда иккита ўйин бор, барчаси ўз қўлимизда», — дея ярим ҳимоячининг сўзларини УЕФА матбуот хизмати келтиради.
Бельгия 6 очко тўплаган ва ўз гуруҳида учинчи ўринда бормоқда. «Қизил иблислар» кейинги учрашувни 12 ноябрь куни сафарда Туркия терма жамоасига қарши ўтказади.
