«Интер Майами» ҳужумчиси Лионель Месси Аргентина терма жамоаси таркибидаги хайрлашув ўйинини ўтказди. У Бенин терма жамоасига қарши ўртоқлик учрашувида майдонга тушди. Ўйин Буэнос-Айресдаги «Монументаль Антонио Веспуччи Либерти» стадионида бўлиб ўтди.

Аргентина Бенинни 3:0 ҳисобида мағлуб этди. Голларга Николас Отаменди (48-дақиқа), Пас (61-дақиқа) ва Месси (71-дақиқа) муаллифлик қилди.

39 ёшли Месси 71-дақиқада пенальтини аниқ амалга оширди. Шу тариқа, у фаолияти давомида 46 та миллий терма жамоа дарвозасини ишғол қилди.

Месси энг кўп Европа терма жамоаларига қарши гол урган — 14 та жамоа. Шунингдек, у КОНКАКАФдан 10 та, КОМНЕБОЛдан 9 та, Африкадан 7 та ва Осиёдан 6 та терма жамоага гол урган.

Месси Аргентина терма жамоасидаги дебютини 2005 йил август ойида Венгрияга қарши ўртоқлик учрашувида ўтказган. Унинг аргентиналиклар сафидаги ҳисоби 208 та ўйинда 126 та гол ва 70 та голли узатмани ташкил этади.