"Ливерпуль" бош мураббийи Андони Ираола жамоа ўйинида вертикаллик ва юқори интенсивликни сақлаган ҳолда учрашувларни янада яхшироқ назорат қилишга эришишни исташини айтди. Мутахассиснинг тан олишича, бу йўналишдаги иш ҳали давом этмоқда.
"Менимча, мақсад жуда аниқ ва барча биз нима қуришга ҳаракат қилаётганимизни тушунади.
Биз янада интенсив, янада вертикал ўйнашни истаймиз. Шу билан бирга, ўйинни ҳам назорат қилишимиз керак. Масалан, "Ньюкасл"га қарши яхши ўйнадик, аммо ўтиш фазаларида икки гол ўтказиб юбордик. Бундай вазиятларда учрашувни бироз кўпроқ назорат қилишни хоҳлайсан.
Сўнгги пайтларда ўйинларни анча яхшироқ назорат қилаяпмиз, аммо биринчи учрашувда бўлган ҳужумдаги равонлик бироз етишмаяпти. Энди асосий вазифа — шу жиҳатлар ўртасида мувозанат топиш.
Албатта, биз ҳужумда ҳам, ҳимояда ҳам жуда яхши ўйнашни истаймиз. Аммо баъзида танлов қилиш ёки жамоани муайян учрашув талабларига мослаштиришга тўғри келади. Биз ҳозир айнан шу омилларни мувозанатлаш устида ишлаяпмиз", — деди Ираола.
