Испания терма жамоасининг собиқ ярим ҳимоячиси Давид Силва «Олтин тўп» мукофотини испаниялик футболчи Фабиан Руисга берган бўларди.

«Мен учун жамоавий ўйин энг муҳими, чунки усиз ғалаба қозониб бўлмайди. Аммо агар мукофотни фақат бир футболчига беришим керак бўлса, Фабианни танлардим. Чунки сўнгги икки йилда у энг кўп совринларни қўлга киритди. У “Пари Сен-Жермен”да, кейин эса терма жамоада муҳим футболчи бўлди.

Уни етарлича қадрлашмайди, нима учунлигини билмайман. Ахир у ажойиб футболчи. Мен унга жуда ҳавас қиламан. У доимо сояда қолган ҳолда ҳам ажойиб ишларни амалга оширди.

Родри “Олтин тўп”ни аллақачон қўлга киритган. Акс ҳолда, уни ҳам тилга олган бўлардим», — деди Силва El Partidazo дастурида.