Дортмунднинг «Боруссия» клуби бош директори Карстен Крамер Германия оммавий ахборот воситаларига берган интервьюсида бош мураббий Нико Ковач билан янги шартнома имзоланиши вақт масаласи эканини маълум қилди.
Ковачнинг амалдаги шартномаси 2027 йил ёзида ўз ниҳоясига етади. Бундеслиганинг янги мавсумида жамоа 12 очко билан турнир жадвалида пешқадамлик қилмоқда ва ҳозирча 4 турдан кейин 100 фоизлик натижа қайд этган ягона жамоа бўлиб турибди.
«Биз Нико Ковачни ниҳоятда ҳурмат қиламиз. Аёнки, бу фақат вақт масаласи. Халқаро танаффус пайтида барчамиз ҳам шу ерда бўлмаганимиз сабабли, ҳали бир нечта масалани муҳокама қилишимиз керак. Шунинг учун ҳозирча вазият очиқ қолмоқда», — деди Крамер.
