Интернетда Лионель Мессининг Аргентина терма жамоаси сафидаги сўнгги учрашувида фойдаланилган тўпнинг сурати пайдо бўлди.
Бу баҳсда аргентиналиклар Буэнос-Айресдаги «Мас Монументаль» стадионида Бенин терма жамоасини 3:0 ҳисобида мағлуб этди. Месси учрашувда бир марта гол уриб, иккита голли узатмани амалга оширди.
Учрашувда стандарт «adidas Argentum Gambeta» тўпидан фойдаланилган. Бироқ унда Мессига бағишланган махсус термонаклейкалар борлиги интернет фойдаланувчиларининг эътиборини тортди.
Тўпда футболчи иштирок этган жаҳон чемпионатлари — 2006, 2010, 2014, 2018, 2022 ва 2026 йиллар қайд этилган. Шунингдек, сардорнинг жамоадошлари қуршовидаги сурати, «Сўнгги рақс» ёзуви ва Аргентина терма жамоаси сардорининг силуэти акс эттирилган. Тўпда учрашув ўтказилган сана ва жой ҳам кўрсатилган.
Месси Аргентина терма жамоаси сафида жами 208 та учрашувда майдонга тушиб, 126 та гол урган ва 70 та голли узатмани амалга оширган.
