Португалиялик ҳужумчи Рафаэл Леау Туркия чемпионатига мослашишда қийинчиликларга дуч келмоқда.
Жума куни «Али Сами Йен» стадионида бўлиб ўтган Туркия Суперлигасининг 7-туридан ўрин олган илк учрашувда «Галатасарой» «Қосимпошо»ни 3:1 ҳисобида мағлуб этди.
Бироқ «Милан»нинг собиқ ҳужумчиси ушбу баҳсда ўзини кўрсата олмади.
Леау учрашув бошидаёқ сариқ карточка олди, ўйин давомида ёрқин ҳаракатлари билан ажралиб турмади ва 67-дақиқада захирага олинди.
Трибуналардан унинг шаънига қарсаклар янграмади. Шу билан бирга, Италияда кузатилганидек, футболчига нисбатан ҳуштакбозлик ҳам бўлмади.
Бироқ туркиялик мухлисларнинг сабрсизлигини ҳисобга олсак, бундай муносабат пайдо бўлиши фақат вақт масаласи бўлиши мумкин.
«Галатасарой» чемпионатда навбатдаги учрашувини 18 октябрь куни сафарда «Генчлербирлиги»га қарши ўтказади.
