“Барселона” президенти Жоан Лапорта жамоанинг ўйинлари ва футболчиларнинг савияси ҳақида фикр билдириб, Мадридда Каталония клубининг муваффақиятларини етарлича эътироф этмасликка уринишлар бўлаётганини таъкидлади.
“Биз футболдан ва клубимиздан завқ оляпмиз. Бизни бутун дунёда эътироф этишмоқда. Жамоамизда жаҳон чемпиони бўлган тўққиз нафар футболчи бор.
Бизда мухлисларни ўзига мафтун этадиган жамоа, бошқаларга ўрнак бўладиган футболчилар бор. Ҳар томондан мақтовлар эшитяпмиз. Аммо Мадридда буларнинг барчасини камситишга уринишмоқда”, — дея Лапортанинг сўзларини келтиради Mundo Deportivo нашри.
