Мюнхеннинг "Бавария" клуби Германия Бундеслигасининг 5-турида "Аугсбург"га қарши учрашувда мағлубиятдан қутулиб қолди.
10 октябрь куни Аугсбург шаҳридаги "ВВК Арена" стадионида бўлиб ўтган баҳс 2:2 ҳисобидаги дуранг билан якунланди.
Учрашув бошида "Бавария" футболчилари тўпни майдон марказидан ўйинга киритиб, уни дарвозабон Мануэль Нойерга узатди.
Бироқ тажрибали голкипер хатога йўл қўйди. Бундан фойдаланган Робин Фелльхауэр тўпни эгаллаб, ўйиннинг 8-сониясидаёқ ҳисобни очди.
Бу Германия чемпионати тарихидаги энг тезкор гол бўлди.
Мезбонлар сафида Родригу Рибейру ҳам рақиб дарвозасини ишғол қилди.
"Бавария"нинг голларига эса Исмаэль Сайбари ва Натаниэль Браун муаллифлик қилди.
Мюнхенликлар ҳужумчиси Харри Кейн ҳар иккала голга ҳам ассистентлик қилиб, ўз ҳисобига иккита голли узатма ёздириб қўйди.
