"Барселона" бош мураббийи Ханс-Дитер Флик Испания Ла Лигасининг 8-туридан ўрин олган "Хетафе"га қарши учрашувда (3:0) ҳимоячи Жюль Кунденинг ўйинига баҳо берди.
Франциялик футболчи мазкур баҳсда жорий мавсумдаги илк голини киритди. У 73-дақиқада рақиб дарвозасини ишғол қилиб, ҳисобни 3:0 кўринишига келтирди.
"Кунде юз фоиз профессионал футболчи. У буни ҳар куни исботлаб келмоқда ва доимо ўзини имкон қадар яхши томондан кўрсатишга интилади.
Баъзан у асосий таркибдан жой ололмайди ва бу ҳолатни қабул қилишига тўғри келади. Бироқ бу жамоамизнинг савияси қанчалик юқори эканини кўрсатади. Чунки таркибимизда жуда кўп ажойиб футболчилар бор", — дея Фликнинг сўзларини келтиради Barca Universal.
Қайд этиш жоиз, "Хетафе"га қарши учрашувда "Барселона"нинг қолган икки голига Энтони Гордон ва Габриэль Жезус муаллифлик қилди.
Гордон баҳснинг 2-дақиқасида ҳисобни очган бўлса, Жезус 30-дақиқада каталонияликларнинг устунлигини икки тўпга етказди.
