Хорватиялик тажрибали ярим ҳимоячи Лука Модрич келажакда яхши мураббий бўлиши мумкинлигини кўрсатувчи жиҳатларидан бири ҳақида гапирди.
41 ёшли футболчи италиялик журналистлар билан суҳбатда ўз иштирокидаги учрашувларни мунтазам қайта томоша қилиши ва майдондаги ҳаракатларини таҳлил қилишини маълум қилди.
"Мен ўз ўйинларимни таҳлил қилиш учун уларни қайта томоша қилишни яхши кўраман.
Бир учрашувда юзага келган вазиятлар кўпинча бошқа ўйинларда ҳам такрорланади. Шу сабабли аввал қаерда хато қилганингни билиб оласан ва кейинги сафар бундай ҳолатда бошқача ҳаракат қилишинг ёки тўғри қарор қабул қилишинг мумкин бўлади.
Айнан шунинг учун мен майдонда содир бўлган воқеаларни шунчаки ортда қолдиришдан кўра, уларни таҳлил қилишни афзал кўраман", — дея Модричнинг сўзларини келтиради Pianeta Milan нашри.
Эслатиб ўтамиз, тажрибали хорватиялик футболчи айни пайтда 41 ёшда.
