Миланнинг "Интер" ва Англиянинг "Брайтон" клублари Европанинг кучли бешлик чемпионатларида ўзига хос статистик кўрсаткич бўйича етакчилик қилмоқда.
"Интер"нинг хорватиялик футболчиси Петар Сучич Италия А Серияси доирасида "Парма"га қарши учрашувда гол урганидан сўнг, жорий мавсумда миланликлар сафида рақиб дарвозасини ишғол қилган футболчилар сони 10 нафарга етди.
Қизиғи, Европанинг кучли бешлик чемпионатларида иштирок этаётган клублар орасида фақат "Брайтон" шундай натижа қайд этган. Англия жамоаси таркибида ҳам жорий мавсумда 10 нафар турли футболчи гол уришга муваффақ бўлган.
Шу тариқа, "Интер" ва "Брайтон" бу кўрсаткич бўйича Европанинг топ-5 лигасида етакчилик қилмоқда.
Ҳар икки жамоа ўз миллий чемпионатида ҳам юқори ўринлар учун кураш олиб бормоқда. Агар "Интер"дан бундай натижалар кутилиши табиий бўлса, "Брайтон"нинг муваффақиятли иштироки кўпчилик учун кутилмаган ҳолат бўлмоқда.
