Италия А Сериясининг 6-туридан ўрин олган «Комо» ва «Рома» жамоалари ўртасидаги учрашув голсиз дуранг билан якунланди — 0:0.

Баҳснинг 53-дақиқасида римликлар бир киши кам бўлиб қолди. «Рома» ҳужумчиси Дониэлл Мален қизил карточка олиб, майдондан четлатилди.

Шундан сўнг меҳмонлар учрашувнинг қолган қисмини ўн киши бўлиб ўтказди. Бироқ «Комо» сон жиҳатидан устунликдан фойдалана олмади ва жамоалар ҳисобни очишга муваффақ бўлмади.

Мазкур дурангдан кейин «Комо» очколари сонини 11 тага етказиб, Италия чемпионати турнир жадвалида олтинчи ўринга кўтарилди.

Мавсумни кетма-кет тўртта ғалаба билан бошлаган «Рома» эса иккинчи турдирки дуранг қайд этмоқда. Римликлар 14 очко билан турнир жадвалида иккинчи ўринни эгаллаб турибди.

Италия чемпионати. А Серия. 6-тур.

11 октябрь, 15:30. «Жузеппе Синигалья» (Комо)

«Комо» — «Рома» — 0:0

«Комо» таркиби: Бюте, Рамон, Чалоба, Кайки, Коуту (Кемпф, 88), Перроне (Милья, 88), Да Кунья (Батурина, 78), Пас, Какере (Родригес, 66), Диао (Аддай, 88), Дувикас.

«Рома» таркиби: Голлини, Н'Дика, Эрмосо (Балерди, 60), Манчини, де Рон, Коне (Лулли, 89), Уэсли Винисиус, Молина (Ренч, 82), Пеллегрини (Соуле, 46), Дибала (Пизилли, 89), Мален.

Сариқ карточкалар: Диао (45), Батурина (90) — де Рон (46), Коне (57), Соуле (62).

Қизил карточка: Мален (53, «Рома»).