«Ювентус» бош мураббийи Лучано Спаллетти Италия чемпионати доирасида «Кальяри»га қарши кечган ва 1:1 ҳисобида якунланган учрашув ҳақида фикр билдирди. Бош ҳакамнинг якуний ҳуштагидан сўнг Спаллетти ва «Кальяри» бош мураббийи Фабио Пизакане ўртасидаги тортишув сабабли ҳар икки мутахассис қизил карточка олди.
«Ҳеч қандай жиддий воқеа содир бўлмади. Мен унга жамоаси яхши футбол ўйнаётганини ва вақтни чўзишни билишини айтдим. У нима демоқчи эканимни сўради, шундан кейин иккимизни ҳам майдондан четлатишди. Ҳеч қандай жиддий гап йўқ, одатий ҳолат», — деди Спаллетти DAZN Italia нашрига берган интервьюсида.
Дурангга қарамай, мураббий жамоасининг ўйинидан мамнун қолди ва шундай даражада ҳаракат қилишса, ғалабалар яна кўп бўлишига ишонч билдирди.
«Энг муҳими — тўғри кайфият ва психологик барқарорлик. Мен бугунги натижага ортиқча эътибор қаратмаяпман. Ёшим қарийб 70 да, фаолиятимни юқори савияда якунлашни истайман. Жамоа яхши ўйнади ва буни футболчиларга айтиш керак. Агар улар доимо шундай ўйнашса, ишончим комилки, биз яна кўплаб ғалабаларга эришамиз».
«Ювентус» 11 очко билан Италия чемпионати турнир жадвалида олтинчи ўринда бормоқда.
