«Барселона» жорий мавсумда нафақат Испания Ла Лигаси, балки УЕФА Чемпионлар лигасида ҳам чемпионлик учун асосий даъвогар сифатида баҳоланмоқда.

Испания чемпионатининг 8-туридан сўнг букмекерлик компаниялари таҳлилчилари ўз ҳисоб-китобларини янгилади. Унга кўра, «Барселона»нинг 2026/27 йилги мавсумда Ла Лига чемпиони бўлиш эҳтимоли 78,3 фоизга баҳоланган.

13–14 октябрь кунлари УЕФА Чемпионлар лигаси умумий босқичининг 2-тур учрашувлари бўлиб ўтади.

Мутахассислар мазкур мусобақада ҳам Ханс-Дитер Флик бошқараётган «Барселона»ни асосий фаворит сифатида кўрмоқда.

Ҳисоб-китобларга кўра, каталонияликларнинг 2026/27 йилги Чемпионлар лигасида ғолиб чиқиш эҳтимоли 23 фоизга етган. Сентябрь ойи бошида бу кўрсаткич тахминан 17 фоизни ташкил этган эди.

Мазкур рейтингда иккинчи ўринни 15 фоизлик кўрсаткич билан Мюнхеннинг «Бавария» клуби эгаллаб турибди.

Учинчи поғонадан эса «Пари Сен-Жермен» ва Лондоннинг «Арсенал» клублари жой олган. Ҳар икки жамоанинг чемпионлик имконияти 14 фоизга баҳоланмоқда.

Шу тариқа, таҳлилчилар баҳосига кўра, «Барселона» айни пайтда Испания чемпионати ва Чемпионлар лигасида ғолибликка эришиш учун асосий номзодлардан бири ҳисобланади.