«Манчестер Юнайтед» ҳимоячиси Лени Йоро Мадриднинг «Атлетико»сига қарши Чемпионлар лигаси учрашуви олдидан матбуот анжуманида иштирок этди. Учрашув 13 октябрь куни кечқурун бўлиб ўтади.

Сўнгги вақтларда марказий ҳимояда эмас, балки ҳимоянинг ўнг қанотида ўйнаётган Йоро турли позицияларда тўп тепишга тайёрлигини таъкидлади.

«Албатта, бу ролнинг ўзига хос жиҳатлари бор, аммо мослашиш керак. Қайси позицияда ўйнамай, майдонга тушишга тайёрман», — деди футболчи.

Шунингдек, у Гарри Магуайр ва Лисандро Мартинеснинг ривожланишига ёрдам бераётганини айтди.

«Улар ҳар куни, айниқса, машғулотларда яхшироқ бўлишимга катта ёрдам беришади. Улар билан кўп суҳбатлашаман ва улар менинг ўсишимга кўмаклашишади. Бу ердаги учинчи мавсумимни ўтказяпман ва биринчи кунданоқ ўзимни “Манчестер Юнайтед” футболчисидек ҳис қилганман. Жорий мавсумни яхши бошлаганимдан жуда хурсандман, аммо янада ўсишим мумкинлигини биламан».

Учрашув Тошкент вақти билан 00:00 да бошланади.