«Барселона» ҳимоячиси Эрик Гарсия УЕФА Чемпионлар лигасида «Галатасарой» устидан 4:1 ҳисобида қозонилган ғалабадан сўнг ўз таассуротлари билан ўртоқлашди.

Учрашувнинг 28-дақиқасида Алексей Батраков туркияликларни ҳисобда олдинга олиб чиқди. Меҳмонлар танаффусга қадар Жоау Канселунинг голи эвазига мувозанатни тиклади.

Иккинчи бўлимда эса Фермин Лопес, Энтони Гордон ва Карим Адейеми биттадан гол уриб, «Барселона»нинг йирик ғалабасини таъминлади. Учрашувнинг якуний ҳисоби 65-дақиқадаёқ шаклланди.

«Ўйлашимча, ҳисобга қарамасдан, биринчи бўлимда ҳам яхши ўйнадик. Балки айрим вазиятларда тўп узатишда шошилгандирмиз, аммо менимча, шунда ҳам ажойиб ҳаракат қилдик.

Иккинчи бўлимнинг дастлабки 20 дақиқаси эса шунчаки ҳайратланарли даражада ўтди», — дея Эрик Гарсиянинг сўзларини келтирмоқда Managing Barca.

«Барселона» икки турдан сўнг 6 очко жамғарган ҳолда Чемпионлар лигаси умумий босқичи турнир жадвалида етакчилик қилмоқда.