Мюнхеннинг «Бавария» клуби бош мураббийи Венсан Компани УЕФА Чемпионлар лигаси умумий босқичи 2-турида «Викинг»га қарши 3:3 ҳисобида якунланган учрашувда ярим ҳимоячи Майкл Олисенинг майдондан четлатилишига муносабат билдирди.
«У хато қилганини тушуниб турибди. Жамоани қийин аҳволга солиб қўйганидан афсусланаётгани кўриниб турибди.
Бу мутлақо табиий ҳолат, бундай вазиятлар футболда учраб туради.
Бугун финал ёки ярим финал ўйини эмасди. Аммо айнан шундай вазиятлар бутун мавсум тақдирига ҳал қилувчи таъсир кўрсатиши мумкин», — дея Компанининг сўзларини келтирмоқда Bayern & Germany.
Мураббийнинг таъкидлашича, рақиб футболчиси Олисени доғда қолдирган. Унинг фикрича, рақибдан сезиларли даражада устун бўлган ҳолатда жамоа ўз ўйин услубига содиқ қолиши ва кераксиз вазиятларга аралашиш ўрнига, майдондаги устунлигини намойиш этишга эътибор қаратиши лозим.
Олисе 73-дақиқада кетма-кет иккита сариқ карточка олиб, майдонни тарк этди.
WhoScored маълумотига кўра, бу футболчининг катталар даражасидаги бутун фаолияти давомида илк бор майдондан четлатилиши бўлди.
