«Манчестер Сити» ҳужумчиси Эрлинг Холанд Англия Премьер-лигаси клублари сафида 200 та голли ҳаракатни энг кам учрашувда амалга оширган футболчига айланди.
Норвегиялик ҳужумчи ушбу натижага эришиш учун 206 та ўйин ўтказди. Шу тариқа у «Ливерпуль» сафида 200 та голли ҳаракатни 225 та учрашувда амалга оширган Муҳаммад Салоҳнинг натижасидан ўзиб кетди.
Рейтингда учинчи ўринни «Арсенал»нинг собиқ ҳужумчиси Тьерри Анри эгаллади. Франциялик футболчига бу кўрсаткичга эришиш учун 233 та баҳс керак бўлган.
Англия Премьер-лигаси клублари сафида 200 та голли ҳаракатга энг тез эришган футболчилар:
-
Эрлинг Холанд — 206 та ўйин («Манчестер Сити»).
-
Муҳаммад Салоҳ — 225 та ўйин («Ливерпуль»).
-
Тьерри Анри — 233 та ўйин («Арсенал»).
-
Серхио Агуэро — 241 та ўйин («Манчестер Сити»).
-
Гарри Кейн — 262 та ўйин («Тоттенҳэм»).
-
Дидье Дрогба — 264 та ўйин («Челси»).
-
Алан Ширер — 282 та ўйин («Ньюкасл Юнайтед»).
-
Уэйн Руни — 285 та ўйин («Манчестер Юнайтед»).
-
Майкл Оуэн — 287 та ўйин («Ливерпуль»).
-
Робби Фаулер — 290 та ўйин («Ливерпуль»).
