Ўзбекистон Профессионал футбол лигаси Суперлиганинг 24-тур учрашувларида иштирок эта олмайдиган футболчилар ва жамоа расмийлари рўйхатини эълон қилди.
Унга кўра, навбатдаги турда жами 9 нафар иштирокчи дисквалификация сабаб майдонга туша олмайди ёки жамоаси ўйинида ўз вазифасини бажара олмайди.
"Навбаҳор" бош мураббийисиз қолади
Рўйхатдан Наманганнинг "Навбаҳор" клуби бош мураббийи Тимур Кападзе ҳам ўрин олган. Шу тариқа, мутахассис 17 октябрь куни "Пахтакор"га қарши ўтказиладиган муҳим учрашувда техник ҳудуддан жамоасини бошқара олмайди.
Шунингдек, "Пахтакор" футболчиси Муртазо Пуралиганжи ҳам мазкур баҳсни ўтказиб юборади.
"Андижон"да икки йўқотиш
24-тур олдидан "Андижон" клуби ҳам икки нафар футболчисининг хизматидан фойдалана олмайди. Анваржон Назиров ва Беҳзодбек Турсунов "Қизилқум"га қарши учрашувда иштирок этмайди.
"Локомотив" сафида эса Муҳаммад Ҳабибуллаев ҳамда Йован Нишич навбатдаги турни ўтказиб юборади.
Бундан ташқари, "Хоразм" футболчиси Улуғбек Ҳошимов, ОКМК вакили Абубакр Ризо Турдалиев ҳамда "Қизилқум" аъзоси Достон Турсунов ҳам дисквалификация қилинганлар рўйхатидан жой олган.
Суперлига 24-турини ўтказиб юборадиганлар:
-
Анваржон Назиров — "Андижон"
-
Беҳзодбек Турсунов — "Андижон"
-
Улуғбек Ҳошимов — "Хоразм"
-
Муҳаммад Ҳабибуллаев — "Локомотив"
-
Муртазо Пуралиганжи — "Пахтакор"
-
Абубакр Ризо Турдалиев — ОКМК
-
Тимур Кападзе — "Навбаҳор"
-
Йован Нишич — "Локомотив"
-
Достон Турсунов — "Қизилқум"
Эслатиб ўтамиз, Суперлиганинг 24-тур учрашувлари 15–17 октябрь кунлари бўлиб ўтади.
