«Барселона» ҳимоячиси Жерар Мартин Чемпионлар лигаси доирасида «ПСЖ»га қарши ўтказиладиган муҳим учрашувда майдонга тушиши мумкин.
Sport нашрининг хабар беришича, 24 ёшли футболчининг жароҳатидан тикланиш жараёни ижобий кечмоқда. У душанба куни жамоавий машғулотларда ҳеч қандай муаммосиз иштирок этган.
Мартин шанба куни Испания чемпионати доирасида «Бетис»га қарши ўтказилган баҳсда кучли зарба қабул қилиб олган ва шу сабабли танаффусда алмаштирилган эди.
Ҳимоячи ҳозирча маълум даражада оғриқ ва ноқулайлик ҳис қилаётган бўлса-да, унинг жисмоний ҳолати тез суръатларда яхшиланмоқда.
Шу боис «Барселона» бош мураббийи Ханс-Дитер Флик испаниялик футболчини Париждаги учрашувда асосий таркибда майдонга тушириши эҳтимоли ортиб бормоқда.
Эслатиб ўтамиз, «ПСЖ» ва «Барселона» ўртасидаги Чемпионлар лигаси учрашуви бугун, 20 октябрь куни Парижда бўлиб ўтади. Баҳс Тошкент вақти билан 21 октябрга ўтар кечаси соат 00:00 да бошланади.
