«Ювентус»нинг собиқ бош директори Лучано Моджи Италия А Сериясининг 7-турида Турин клуби ўз майдонида «Лацио»га 0:3 ҳисобида мағлуб бўлган учрашув ҳақида фикр билдирди.

Моджининг таъкидлашича, «кекса синьора»нинг асосий муаммоси бош мураббий йўқлиги билан боғлиқ.

«Ювентус»нинг ўйинига баҳо бериш қийин. Жамоа гўё майдонга умуман тушмагандек бўлди. Футболчилар футбол ўйнашни исташмади.

Менимча, жамоанинг асосий муаммоси — бош мураббийнинг йўқлиги», — дея Моджининг сўзларини келтиради Tuttomercatoweb нашри.

Италия А Сериясининг етти туридан сўнг «Ювентус» 11 очко жамғариб, турнир жадвалида саккизинчи ўринни эгаллаб турибди.

Туринликлар навбатдаги учрашувини 22 октябрь куни Европа лигаси доирасида Франциянинг «Ренн» клубига қарши ўтказади.