«Бавария» бош мураббийи Венсан Компани жамоа ҳужумчиси Харри Кейннинг 2026 йилги «Олтин тўп» учун асосий даъвогарлардан бири экани ҳақида фикр билдирди.
«Очиғини айтишим керак, овоз бериш жараёни аллақачон якунланган. Шунинг учун менга ҳеч нарсани яшириш ёки қандайдир сиёсий ўйинлар қилишнинг ҳожати йўқ.
Менимча, сўнгги йилларда Харрига энг катта қувонч бағишлаган нарса — ниҳоят жамоавий совринни қўлга киритгани бўлди. Агар у ўз мавсумини шундай индивидуал мукофот билан ҳам якунлай олса, бунга тўлиқ муносиб бўлади», — деди Компани DAZN эфирида.
Аввалроқ Кейн ҳам «Олтин тўп» учун овоз бериш анча олдин якунланганини ва энди ҳеч нарса унга боғлиқ эмаслигини таъкидлаган эди.
«Олтин тўп»ни топшириш маросими 26 октябрь куни Лондонда бўлиб ўтади. Нуфузли мукофот учун курашда Кейннинг асосий рақиби сифатида «Барселона»нинг 19 ёшли вингери Ламин Ямал кўрилмоқда.
