"Барселона" ярим ҳимоячиси Фермин Лопес "Реал" бош мураббийи Жозе Моуриньонинг ҳакамлик борасидаги танқидларига муносабат билдирди.
Жорий мавсум давомида Мадрид клуби вакиллари ҳакамларнинг қарорларидан бир неча бор норозилик билдирган. Жозе Моуриньо ҳам айрим учрашувлардаги ҳакамликни очиқчасига танқид қилган эди.
Бироқ Фермин Лопес бундай баҳсларга аралашиш ниятида эмаслигини таъкидлади.
"Моуриньонинг шикоятларими? Очиғини айтсам, ҳакамлар ҳақидаги бу гап-сўзларни эшитишдан чарчадим.
Биз бундай тортишувларга аралашмаймиз. Ўз ишимизни тўғри бажаряпмиз, майдонда ғалаба қозоняпмиз ва бутун дунёга "Барселона" учун муҳим бўлган қадриятларни намойиш этяпмиз.
Ҳакамлик масаласини муҳокама қилишни истамаймиз. Агар улар хоҳласа, бу ҳақда гапиришда давом этаверсин", — деди испаниялик футболчи.
Қайд этиш жоиз, Ферминнинг ушбу баёноти Испания футболидаги энг катта қарама-қаршиликлардан бири — "Эл-класико" арафасида янгради.
"Барселона" ва "Реал" ўртасидаги Ла Лиганинг навбатдаги учрашуви 25 октябрь куни "Камп Ноу" стадионида бўлиб ўтади.
Баҳс Тошкент вақти билан 26 октябрга ўтар кечаси соат 01:00 да бошланиши режалаштирилган.
