"Лацио" бош мураббийи Женнаро Гаттузо А Сериянинг 8-турида "Парма" устидан қозонилган ғалаба (2:1) ва жамоасининг пешқадамлиги ҳақида фикр билдирди.
"Футболчиларнинг ўйинга муносабати менга ёқди. Биринчи бўлимда рақибнинг қарши ҳужумлари сабаб бироз асабийлашдик ва айрим вазиятларда соддалик қилдик. Кейин эса суръатни ошириб, ўйин назоратини қўлга олдик.
Жамоанинг машғулотлардаги меҳнатидан мамнунман. Сўнгги икки ўйинда анча ўсишга эришдик. Бу тўғри йўлда эканимизни кўрсатади.
Ҳаммаси ўзимизга боғлиқ. Ҳозир ҳар бир учрашувга алоҳида эътибор қаратишимиз керак. Очиғи, ҳали турнир жадвалидаги биринчи ўринга тўлиқ муносиб эмасмиз. Аммо клуб тарихида яхши саҳифа ёзмоқдамиз", — деди Гаттузо.
"Лацио" клуб тарихидаги энг яхши мавсум стартларидан бирини ўтказмоқда. Римликлар 22 очко билан А Серияда пешқадамлик қилмоқда. Бир ўйин кам ўтказган "Интер" ҳисобида 19 очко бор.
