"Бавария" ва Франция терма жамоаси ҳимоячиси Дайо Упамекано "Олтин тўп"га асосий даъвогарлардан саналган Харри Кейн ва Килиан Мбаппенинг ўйин услубини солиштирди.
"Харри ҳимояда ҳам, ярим ҳимояда ҳам, ҳужумда ҳам ўйнай олади. У майдоннинг исталган нуқтасида фойдали бўла оладиган футболчи. У билан бир жамоада ўйнаш мен учун шараф.
Килиан эса портловчи тезликка эга ва гол уришни жуда яхши билади. Улар бир-биридан фарқ қилади, аммо ҳар бир ўйинда гол уришга интилиши иккаласини бирлаштиради. Бу уларнинг энг катта устунлиги. Ҳар иккисига ҳам омад тилайман", — деди Упамекано.
"Олтин тўп"ни топшириш маросими 26 октябрь куни бўлиб ўтади.
Эслатиб ўтамиз, Кейн ўтган мавсумда Европанинг "Олтин бутса"сини қўлга киритган бўлса, Мбаппе Ла Лига, Чемпионлар лигаси ва жаҳон чемпионатида энг яхши тўпурар бўлган.
