Ҳафта давомида Чемпионлар лигаси доирасида «Лилль» ва «Галатасарой» жамоалари ўртасида учрашув бўлиб ўтди.
Туркия клуби Францияда 4:2 ҳисобида ғалаба қозонди. Россиялик ярим ҳимоячи Алексей Батраков ушбу баҳсда голлардан бирини киритди.
Учрашувдан кейин энг яхши футболчи соврини Виктор Осимхенга топширилди. Бироқ, айтилишича, бу мукофот Батраковга берилиши керак эди. Dici Futbol дастурида журналист Али Нажи Кючюк УЕФА россиялик бўлгани учун Батраковга совринни беришдан бош тортгани ҳақидаги маълумотни ошкор қилди.
Чемпионлар лигаси ўйинларининг энг яхши футболчиси мукофоти УЕФА техник кузатувчилари қарорига кўра топширилади. Кўринишидан, уларга сиёсий сабабларга кўра Батраков ушбу совринни қўлга кирита олмаслиги тушунтирилган.
